cryptocurrency waa lacago digital ah ‘lacago hawo ah’ kuwaas oo aan ahayn lacago la taaban karo si toosa loo arki karo, balse ku kooban qalabada telefoonada iyo computers-ka dhexdooda, lacagahani hada waxa ay qiimahoda yahay 2 tirillion oo dollarka maraykanka ah, waana lacago koraaya oo mustaqbalka dhaw loo arko inay noqon doonan lacagaha lagu isticmaali doono internetka oo dhan gabi ahaan.

mida ay ku wanaagsan yihiin lacagahan ayaa ah inay yihiin lacago ay malaayin qof ka shaqaystaan sarifkoda iyo sido kale maalgashigoda, waana waxyaabaha qarnigan aynu joogno hadad maalgashato aad dhaqaale fiican ka samayn kartid sido kale aadna ka shaqaysan kartid qaab sarif ah. hadaba waxa jira xogo badan oo lacagahan ku saabsan oo ay muhiim tahay inad ogaato si aad lacagahan uga shaqaysan kartid hab maalgashi ah iyo sido kale hab isku badbadalka lacagahan ahba.waxa maqaalkan aynu ku eegi doona 5 talo oo muhiima oo inta aadan lacagahan suuqoda galin ay muhiim tahay inad ogaato inta aanad galin suuqa cryptocurrency

Suuqa Cryptocurrency waa suuq aan ahayn soo gal oo hantiile ka noqo

waxa jira dad badan oo fahan haysta ah in suuqan uu yahay soo gal oo hantiile noqo, suuqan waa suuq ay ku jiraan dadyaw malaayin ah, waxana ay malaayinta qof uso galaan suuqan inay ka shaqaystaan oo dhaqaale faaido ah ka sameeyan, hadaba waxa waajiba in malaayinta qof ay qaarkodna faaido samaynayan qaarkodna ay khasaarayan. hadaba waxa la huba suuqan marka aad soo gasho inad la kulmayso khasaare waxa sido kale aad ka samayn karta faaido waxase la huba waa inad khasaare la kulmaysid mar’uun inta aad suuqan ku jirto. hadaba waxa muhiima inad ogaato marka ad suuqan soo galayso in aad khasaare iyo faaido la kulanto labadaba inad rajayso oo kaliya aanad ku xisaabtamin faaido.

Crytocurrency waa mid isbedbedesha, maalgashiga aad ku samayso waa mid khasaare iyo faaido labadaba udhaxeeya

crytocurrency lacagaha ahi waa lacago isbadbadala, taasi waxa ay kuu sheegaysa inaadan si dhamaystiran u ogaan karin lacagahani iyo sida ay noqon doonan, dabcan waa la saadalin kara waana sababta malaayin umaalgashtan in la saadalin karo, hadanase waxa dhici kara waxa la saadaliyay inay khaldanan karan oo lacagahani noqon karan sidi aad ka filaysay si ka duwan, waxa muhiima marka inad ogaato marka aad maal gashanayso lacagahan in aad ubadheedho ama aad diyaar utahay inad waajahdo khasaare iyo faaido labadaba

lacagaha cryptocurrency maaha lacago lasoo celin karo

lacagaha cryptocurrency waa lacago aanay jirin cid maamusha, taasi waxa ay khadka ka saaraysa jiritaanka cid aad la xidhiidhi karto oo lacagahan hadad ubaahato wax kaala qaban karta. hadii aad lacag dirto cryptocurrency lacagtaas in lasoo celiyaa maaha macquul lama soo celin karo lacag la diray cryptocurrency maadama aanay jirin cid lacagahan maamusha oo lacagta soo celin karta. waxa muhiima marka inad marka aad lacag dirayso aad hubsiimo badan samayso oo aadan ku dagdagin dirista lacagta maadama hadaad lacagta khalado aanad dib uhelayn lacagta.

ha daynsan lacag si aad umaalgashato cryptocurrency

sida aynu ku sheegnay taladi 1aad iyo 2aad, suuqa crytocurrency waa suuq aan ahayn soo gal oo hantiile noqo, iyo sido kale in aanu ahayn suuq maalgashigiisa si dhamaystiran loo saadalin karo, waxa intas oo dhan kuu sheegayan inad udiyaar garawdo inad khasaare iyo faaido labadaba aqbali kartid. hadaba ha daynsan lacag si aad cryptocurrency umaalgashato ama aad uga shaqaysatid qaab sarif ah, maadama lacagta aad ku khasaari kartid adigana aad daynsanan karto. sidaas awgeed ma wanaagsana inad lacag daynsato si aad cryptocurrency lacag uga samaysid.

ha siinin lacagtada cryptocurrency ah dad kale si ay kuugu shaqeeyan

dad badan oo soomali ah ayaa maalin kasta waxa lagu dhaca in la yidhaahdo lacagtoda cryptocurrency ah aanu idin kushaqayno faaido badan idiin samayno. hadaba waliga crytocurrency lacag ah oo aad leedahay ha siinin cid kale si ay kuugu shaqayso 2 sifoodba. sifada 1aad suuqan maaha wax la hubo in lacag laga samayn karo 100% sidaas awgeed waa ay ku khasaari karaan dadkaasi lacagtada. sifada 2aad, waxa jirta oo waliba sida badan ah dad sheegta inay sameeyen robot ama computer kuu shaqaynaaya lacagtadana kugu samaynaaya lacag badan oo kale waxa kamida dadkas iyo aaladaha ay samaystaan ee tuugta ah sida aaladi maalmihi dhawayd hawada ka baxday ee tradebot oo kale. waxa ay jira dad badan oo lacago looga lunsaday aalada iyo aaladaha kale ee ku odhanaya computer ama robot ayaa kuu shaqaynaaya oo lacag kuu samaynaya. marka ka taxadir inan lagugu dhicin aalaha lacagtadana aan lagaa lunsan.

gunaanad

waxa jira talaayin badan oo ku saabsan cryptocurrency oo muhiim ay tahay inad ogaato inta aanad soo galin suuqyada cryptocurrency balse 5-tan talo ayaa ah kuwa ugusi muhiimsan suuqakan. hadaba 5-tan talo waxa ay yihiin kuwo in badan saamaynaya inad soo gasho suuqyadan iyo in aanad soo galin.